Përfshihet nga zjarri dhoma e ndalimit në stacionin policor në Pejë, lëndohet një person

10:45 | 10 Shtator 2025
E.H

Një person është lënduar si pasojë e një zjarri që ka shpërthyer mëngjesin e sotëm në një dhomë të ndalimit në Stacionin Policor të Pejës.

Lajmin për Arbresh.info e ka konfirmuar Driton Rugova, zëdhënës i policisë për rajonin e Pejës.

Rugova tha se i lënduari është dërguar për tretman mjekësor.

“Sot rreth orës 07:20, në Stacionin Policor në Pejë, është përfshirë nga zjarri një dhomë e ndalimit, si pasojë e këtij rasti një person ka pësuar lendime te lehta trupore i njejti është dërguar për tretman mjekësor, ndërsa zjarri është shuar nga njësia e zjarrëfiksëve. Për informata të tjera njoftoheni me kohë”, tha Rugova./Arbresh.info

Shpërndaje në rrjete sociale